امثال شعبيه

موضوع: امثال شعبيه السبت فبراير 19, 2011 7:45 pm

1- جوا الدار قردة وبرا الدار وردة
2-طبخته على النار وعينه على طبخة الجار
3-قلل طعامك تحمد منامك
4-نام دافي بتقوم متعافي
5- بعد المعروف ضرب كفوف
6- ما يعلم حالك الا ربك وجارك
7- الانسان بالمحضر ومش بالمنظر
8- باع عمارة واشترى حمارة
9- الدار دار ابونا واجوا الغربية طحونا
10- من خان صديقه احترم عدوه
11- من عذب لسانه كثر إخوانه
12- ان غاب القط العب يا فار
13- حط العدس وانفخ تحته ما اعطل من الخال الا ابن اخته
14-العز لرز والبرغل شنق حاله
15- صار للشرشوحة مرجوحة وصارت تحلف بالطلاق
16- ضرب الحبيب زبيب وحجارته قطين
17- دلع ابنك بيرضيك دلع بنتك بتخزيك
18-في قلبي صدى ما بحبش حدى
19- من طلب العلا سهر الليالي ومن حشى الكوسا لف الدوالي
20- طب البريق على ثمه بيطلع الولد لامه
21- طب الجرة على ثمها بتطلع البنت لامها
22- القرد في عين امه غزال
23- ديك يوم ولا سنة فرخة
24- طخه وصيبه وقول نصيبه
25- ان ضحكت يوما تبكي سنة
26- اجريها عوج بدها بابوج
27-جبناك يا عبد المعين تتعين اطلعت يا عبد المعين بدك تنعان
28- احترنا يا قرعة من وين بدنا انبوسك
29- انا والغريب على ابن عمه وابن عمه والغريب عليه
30- خاف من عدوك مرة ومن صديقك الف مرة
31- ما اقدرش لحماته قام لمراته
32- الطبخة اذا كثره طبخينها بتخرب
33-المعدلة ابتطبخ قروش واللي حواليها بدوش
34-حامت الحايمة واجت فوق النايمة
35-عيش يا قديش تيطلع الحشيش
36- اجاك يا بلوط مين يعرفك
37-ارضينا بالبين والبين ما رضي فينا
38-جاجة حفرت على راسها عفرت
39-طب الجرة على شفتها بتطلع البنت لعمتها
40 - اللي بدري بدري واللي بدريش بقول كف عدس41-
41- كل فتاة بابيها معجبة
42- ومن الحب ما قتل
43-اجت الحزينة تتفرح قامت ما اقتلهاش مطرح
44-الطول طول النخلة والعقل عقل سخلة
45- طويل وهبيل
46- الطويل في السما نجمة والقصير في الارض فجلة
47- طلع من البليلا بدون حمص
48- بتحط في عبها وبتف من فمها
49- شحاد ومشرط
50- وين ذانك يا اجحا

ان شاء الله تعجبك هالامثال مع انوا راح اتلاقوا صعوبة في فهمها وقرايتها
وانا راح استنى ردودكم

زبال ماسك ورده

موضوع: رد: امثال شعبيه الأحد فبراير 20, 2011 2:48 am

شكرا لزموني على فكرة هههه شكرا دموع

موضوع: رد: امثال شعبيه الأحد فبراير 20, 2011 7:47 pm

[ندعوك للتسجيل في المنتدى أو التعريف بنفسك لمعاينة هذه الصورة]

شكرا حلوين كتير كتير و لابقين ع بعض

[ندعوك للتسجيل في المنتدى أو التعريف بنفسك لمعاينة هذه الصورة]

شكرا على الامثال

موضوع: رد: امثال شعبيه السبت يونيو 11, 2011 7:54 pm

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: امثال شعبيه الأحد يونيو 19, 2011 4:18 pm

يلا بدنا نشاط

موضوع: رد: امثال شعبيه الخميس يونيو 23, 2011 4:41 am

شكراً كتير دموع

لزموني لملف الانجاز في المدرسة

وانا كمان